grazie für’d gmeinsami Ziit
Cari Amici
Vo Oktober 2021 bis Mai 2025 hät dä ITALOSTAMMTISCH Züri viil schöni Moment mitenant teilt – Begägnige, Fäschtli, Aperitivi und viel luschtigi Stunde.
Sit Mai 2025 isch dä Verein offiziell ufglöst, doch d’ Erinnerige bliibet lebendig.
Grazie di cuore a alli, wo debii gsi sind.
"é bello parlare es bizzeli italienisch."
Il nome è programma
Zäme esse, trinke und fiire wie das d’Römer scho gmacht hend. Dä ITALOSTAMMTISCH macht das allerdings als Zurighesi. Dä neue Ort für Begägnige verbindet Secondas und Secondos und alli, die d’Italianità im Herze träget.
Regelmässig findet im Rahme vomene Aperitivo en ITALOSTAMMTISCH statt. Ufs Jahr verteilt gits den au no grösseri Eventi alla ITALOSTAMMTISCH PRESENTA... vo dä Wii-Degu, zum retro Filmabig bis hi zur Italo Party.